व्यवसाय सुरू करणे हा एक रोमांचक प्रवास असतो. पण त्या प्रवासात योग्य बिझनेस पार्टनर मिळाला, तर गाडी वेगात आणि सरळ जाते. चुकला, तर आयुष्यभराचा धडा मिळतो.
मी म्हणतो एक वेळ लग्न करताना पत्रिका जुळवली तरी चालेल पण बिझनेस पार्टनर निवडताना पत्रिका मात्र जुळलीच पाहिजे!
या कुंडली मिलनासाठी मी खाली काही मुद्दे लिहिले आहेत ! हे मुद्दे माझ्या स्वतःच्या अनुभवांवर आणि जवळच्या उद्योजक मित्रांच्या चर्चांमधून सापडले आहेत.
⸻
1️⃣ विश्वास आणि आदर (Trust & Respect)
कोणत्याही भागीदारीचा पाया म्हणजे विश्वास. पैसे येतात-जातात, पण विश्वास गेला तर सगळं संपतं. एकमेकांचा आदर नसेल, तर रोजचे निर्णयही युद्ध बनतात.
2️⃣ मूल्यप्रणाली जुळते का? (Value System Alignment)
पैसे कमवण्याची पद्धत, नैतिकता, दीर्घकालीन दृष्टी — हे जुळत नसेल तर पुढे मोठे वाद होतात. एक जण “कसंही करून ग्रो करायचं” म्हणतो आणि दुसरा “योग्य मार्गानेच” — तर संघर्ष अटळ.
3️⃣ उद्दिष्टांवर एकमत आहे का? (Objective Alignment)
कोणाला लवकर Exit हवा, कोणाला 10 वर्षे बांधील राहायचं, कोणाला फक्त नाव हवं, कोणाला खरंच काम करायचं…
4️⃣ कौशल्यांची पूर्तता होते का? (Skill Compatibility)
दोघेही Sales वाले आणि Tech कुणालाच कळत नाही — चालणार नाही. दोघेही Tech आणि Client कोण बघणार?
एकमेकांच्या कमतरता भरून काढणारी कौशल्ये असली पाहिजेत.
5️⃣ जोखीम आणि फायदा – समान वाटा आहे का?
हे फार महत्त्वाचं आहे.
एक जण नोकरी सोडून पूर्णवेळ झोकून देतो आणि दुसरा फक्त थोडे पैसे टाकतो, नोकरीही ठेवतो — अशी जोडी फारकाळ टिकत नाही
जोखीम, वेळ, ताण आणि बक्षीस — सगळं समतोल असलं पाहिजे.
6️⃣ जीवनाच्या टप्प्यांमध्ये तफावत (Life Quadrant Alignment)
३० वर्षांचा माणूस – मुलांचे शिक्षण, EMI, जबाबदाऱ्या ५० वर्षांचा माणूस – मुलं सेटल, आर्थिक स्थैर्य
👉 जोखीम घेण्याची तयारी दोघांची सारखी नसते. ही तफावत म्हणजे वेगवेगळ्या आकाराची चाके असलेली गाडी — दिशा आणि वेग बिघडतो.
7️⃣ बांधिलकी आणि चिकाटी
व्यवसायात सर्व जिम्मेदारी तुमची असते, नौकरी सारखे केवळ एक फंक्शन आपले असे चालत नाही ! आणि प्रेडिक्टबिलिटी कमी असल्यानं प्रचंड चिकाटी लागते. हे गुण आधी कळू शकत नाहीत पण मागील ट्रॅक रेकॉर्ड वरून याची हिंट मिळू शकते !
8️⃣ कामाची शैली आणि संस्कृती
व्यवसाय हा २४ तासाची नौकरी असतो ! त्यात चलता है - अशी वृत्ती चालत नाही ! एकाने झोकून द्यायचे आणि दुसर्याने नौकरी सारखे वागायचे असे चालत नाही !
9️⃣ नेटवर्क आणि विश्वासार्हता
पार्टनरचे नेटवर्क म्हणजे तुमच्या बिझनेसची गती. पण ते विश्वासार्ह असले पाहिजे — फक्त ओळखी असून उपयोग नाही.
🔟 समान आवड आणि उत्साह
पैसे कमी असतील, अडचणी असतील, तेव्हा टिकवून ठेवते ती आवड आणि उत्साह.
निष्कर्ष:
योग्य बिझनेस पार्टनर म्हणजे फक्त शेअर्स वाटून घेणारी व्यक्ती नाही, तर जबाबदारी, जोखीम, निर्णय आणि स्वप्नं समानपणे वाटून घेणारा माणूस.
घाई करू नका. भावनांवर नाही, वास्तवावर निर्णय घ्या.
कारण चुकीचा पार्टनर = योग्य आयडियाचं नुकसान आणि योग्य पार्टनर = साध्या आयडियाचं मोठं यश.
© मनोज देशमुख manojdeshmukh@gmail.com
First published on Facebook.